What We Believe

Pathian

Kan Pathian cu a nungmi le zungzal a hmunmi Pathain a si i a mah lawng Pathian a si. Pathian cu Pa, Fapa le Thiang Thlarau in a ummi a si ti hi tling tein kan zumh (Jn. 1:1-4, 14; Mat. 28:19)

Cathiang  

Cathiang cu a dihlak in Pathian thawchuahmi a si. (2 Tim.3:16; 2 Pet.1:20-21).

Jesuh Khrih Lawng 

Pathian khamhnak tling cu Jesuh Khrih chungah tling tein kan hmuh. (Jn. 3:16). 

Mission

Khrih nih a kan fial bantukin vawlei dongh tiang Khamhnak Thawngtha karhter le tehte tha si hi zumtu dihlak kan rian a si. (Mat. 28:19; Lam. 1:8). 

Bawipa Zanriah 

Jesuh Khrih philhlonak caah Bawipa Zanriah cu tipil a ingmi poah nih hman ti mi a si. (Mat. 26:26-28; 1 Kor.11:23-25). 

Innchungkhar 

Khrihfabu a lu cu Khrih a si bantukin innchungkhar a lu zong Jesuh Khrih a si. Nuleva cu Pathian nih nunchung caah a fonhmi hna an si. Khrihfa innchungkhar cu pawngkam vawlei nih a upatmi a si ding hi zumtu kan rian a si (Efi. 5:22-23, Mat.19:5-6). 

Kan Zumhnak Tlaihtung 

Pa Pathian cu kan zumh. Amah cu a liannganbik Pa, vawlei le van a sertu a si.

Jesuh Khrih cu kan zumh. Amah cu Pathian fapa ngeihchun, kan Bawipa a si. Thlarau thawng in ngaknu thiang Mari nih a pawi i a hrin. Pontius Pilate tangah khan tuarnak a in hnu ah vailam ah an thah, a thi i an vui, nithum hnu ah thihnak in a tho than. Vancung ah a kai i liannganbik Pa Pathian orhlei kam ah a thu. Cuka cun a nung mi le a thi mi hna biaceih awkah a rung tum than lai.

Thiang Thlarau cu Pa le Fapa sin in a ra mi a si caah kan zumh. Khrihfabu thiang, mithiang hna hawikomhnak, sual ngaihthiamnak, pumsa thawhthannak le zungzal nunnak kha kan zumh.